Хитойнинг Хух-Хота шаҳрида ўтган маросим натижаларига кўра, футзал бўйича Ўзбекистон аёллар терма жамоаси "А" гуруҳида мезбон Хитой, Австралия ҳамда Хитой Тайпеи билан куч синашади.
Эслатиб ўтамиз, мазкур мусобақа 7–18-май кунлари Хитойда ўтказилади ва жорий йилнинг ноябрь-декабрь ойларида Филиппинда бўлиб ўтадиган аёллар футзали бўйича илк ФИФА Жаҳон чемпионатига саралаш вазифасини ўтаб беради. Мусобақанинг энг яхши 3 та жамоаси тарихий мундиалда иштирок этиш ҳуқуқини қўлга киритади.
