Шуҳрат Мақсудов мураббийлигидаги "Бунёдкор" жамоаси кеча "Металлург"га қарши ўртоқлик баҳсида майдонга тушди. Голларга бой ўтган учрашувда "қалдирғочлар" 4:1 ҳисобида ғалаба қозонди. Нурилло Тўхтасинов, Миржаҳон Мираҳмадов, Хуршид Ғиёсов ва Шаҳбоз Эркинов томонидан урилган голларга бекободликлар Шаҳзод Нурматовнинг голи билан бир бор жавоб қайтара олди.
Ўртоқлик учрашуви.
“Бунёдкор” – “Металлург” – 4:1
“Бунёдкор” академияси майдони.
Ҳакам: Виктор Серазетдинов
Назоратчи: Маъмур Саидқосимов
Гол: Н.Тўхтасинов (22), М.Мирахматов (28-п), Х.Ғиёсов (45), Ш.Эркинов (57) – Ш.Нурматов (32).
Тошкентда ўқув-машғулотларни олиб бораётган Муборакнинг "Машъал" клуби эса "Сўғдиёна" билан тўқнаш келди. Ўйиннинг 21-дақиқасида Лука Чермель томонидан урилган гол "Сўғдиёна"га 1:0 ҳисобидаги ғалабани тақдим қилди.
"Машъал" - "Сўғдиёна" 0:1
Гол: Лука Чермель, 22
