Pley-off bellashuvlarida qayd etilgan natijalar quyidagicha ko'rinish oldi:

"Al Garafa" (Qatar) - AGMK (O'zbekiston) 0:1

7 aprel. Doha. "Suheym bin Hamad" stadioni

"Al Vehda" (Saudiya Arabistoni) - "Al Quva Al Javiya" (Iroq) 1:1 (penaltilar - 2:3)

7 aprel. "Qirol Abdul Aziz" stadioni. Makka

"Al Vahda"(BAA) - "Al Zavra" (Iroq) 2:1

7 aprel. "Al Nahyan" stadioni. Abu Dabi

"Fulad" (Eron) - "Al Ayn" (BAA) 4:0

10 aprel. "Shahzoda Faysal bin Fahd" stadioni. Ar Riyod

Pley-offdan so'ng O'zbekistonning AGMK, Iroqning "Al Quva Al Javiya", BAAning "Al Vahda" hamda Eronning "Fulad" klublari guruh uchrashuvlariga yo'l olishdi. Yaxshi bilasiz, safarda "Al Garafa" bilan kechgan bahsda Yovan Jokich tomonidan kiritilgan gol AGMKga g'alaba keltirdi.

Guruh o'yinlari Saudiya Arabistoni, BAA va Hindistonda bo'ladi

Avvalo shuni aytish kerak, bu yildan OCHL ishtirokchilari soni 8taga oshirildi. Shu paytgacha guruh o'yinlarida 32ta jamoa qatnashib kelgan bo'lsa, bu yildan 40taga etkazildi va 10ta guruh vujudga keldi. Natijada har ikki mintaqada 5tadan guruh o'yinlari o'tkaziladi.

G'arb mintaqasi guruh bahslariga uchta mamlakat mezbonlik qiladi: Saudiya Arabistoni, BAA va Hindiston. Saudiya Arabistoni uchta guruhni o'zida qabul qilsa, BAA va Hindiston bittadan guruhga mezbonlik qiladi. Uchta guruhdan ikkitasi Saudiya Arabistonining Ar Riyod va bitta guruh Jidda shahrida o'yinlarni o'tkazadi. Qolgan ikkita guruh Sharja bilan Goada tashkil etiladi.

Guruhlar va jamoalar

"A" guruhi (mezbon shahar - Ar Riyod):

"Al Hilol" (Saudiya Arabistoni)

"Shabab Al Ahli" (BAA)

"Istiqlol" (Tojikiston)

AGMK (O'zbekiston)

"B" guruhi (mezbon shahar - Sharja):

"Sharja" (BAA)

"Traktor" (Eron)

"Paxtakor" (O'zbekiston)

"Al Quva Al Javiya" (Iroq)

"C" guruhi (mezbon shahar - Jidda):

"Al Duhayl" (Qatar)

"Al Ahli" (Saudiya Arabistoni)

"Istiqlol" (Eron)

"Al Shorta" (Iroq)

"D" guruhi (mezbon shahar - Ar Riyod):

"Al Sadd" (Qatar)

"Al Nassr" (Saudiya Arabistoni)

"Al Vihdat" (Iordaniya)

"Fulad" (Eron)

"E" guruhi (mezbon shahar - Goa):

"Persepolis" (Eron)

"Al Rayan" (Qatar)

"Goa" (Hindiston)

"Al Vahda"(BAA)

OCHL. G'arb mintaqasi guruh bosqichida o'ynaydigan barcha jamoalar malum