Ўринбосарлар таркиби аъзолари икки кунлик ҳордиқдан сўнг эртага машғулотларга киришса, асосий таркиб 30 август куни таътилдан қайтади. Воҳид Холбоев мураббийлигидаги ёшларимиз 6 сентябрь куни бўлиб ўтадиган 20-турнинг "Сўғдиёна"га қарши ўйинга қадар иккита назорат учрашувини ўтказади. Эртага машғулотларни бошлайдиган ўринбосарларимиз индинга - 29 август куни Абдумажид Тоиров мураббийлигидаги "Бунёдкор" академияси тарбияланувчиларига қарши майдонга чиқса, 1 сентябрда "Пахтакор" ўринбосарлари билан куч синашади.
Андрей Демченко мураббийлигидаги асосий таркибимиз юқорида айтилганидек, 30 август куни машғулотларни бошлайди. Режага кўра, 3 сентябрь куни "Пахтакор"нинг асосий жамоасига қарши назорат ўйини ўтказилади. Беллашув "Жар" стадионида бўлиб ўтади.
