Ular o'rtasida o'tkazilayotgan musobaqalar bu borada muhim ahamiyat kasb etmoqda.

Bu Xorazm viloyati jismoniy tarbiya va sport boshqarmasi, O'zbekiston yoshlar ittifoqi viloyat kengashi, “Karvon mebel savdo” oilaviy korxonasi hamda “Sofdil baraka sut” korxonalari hamkorligida 2005-2006 va 2007-2008 yillarda tug'ilgan yosh futbolchilar o'rtasida uyushtirilgan Sport o'yinlari va engil atletikaga ixtisoslashtirilgan bolalar-o'smirlar sport maktabining ochiq birinchiligida ham o'z isbotini topdi.

Deyarli bir hafta davom etgan mazkur musobaqada Xorazm viloyatidan tashqari, Qoraqalpog'iston Respublikasi va Namangan viloyatlaridan jamoalar ishtirok etishdi.

Kichik yoshli bolalardan tashkil topgan jamoalar birinchiligining finalida Urganch shahrining “Navro'z”(murabbiyi Akbar Odamov) va “Binokor”(murabbiyi Shohrux Yaqubov) jamoalari ro'para keldi. Bu o'yin taqdirini penaltilar seriyasi hal qildi. “Navro'z” jamoasi 5:4 hisobida g'olaba qozonib, birinchi o'rinni egalladi. “Binokor”chilar ikkinchi o'rin bilan cheklanishdi. “Yoshlik”(SO'EAIBO'SM, Urganch shahri) va “Xiva”(Xiva tumani) jamoalari uchinchi qatordan joy olishdi.

Katta yoshli, yani 2005-2006 yillarda tug'ilgan jamoalardan tarkib topgan musobaqaning hal qiluvchi uchrashuvida Qoraqalpog'istonning Nukus shahridan tashrif buyurgan “Turon-IVS”(murabbiyi Islom Usnatdinov) va Urganch shahrining “Binokor”(murabbiyi Shohrux Yaqubov) jamoalari o'zaro kuch sinashdi. Bu gal “Binokor” jamoasi 2:0 hisobida zafar quchib, g'oliblikni qo'lga kiritdi. Uchinchi o'rin “Istiqlol”(Urganch shahri) va BO'SM(Xonqa tumani)ga nasib etdi.

Ikrom Xudoyberganov

“Navro'z” va “Binokor” musobaqa g'olibi