Unda mamlakatning amaldagi chempioni va kubok sohibi "Paxtakor" o'tgan yil kumush medallarga ega chiqqan "Nasaf" bilan bellashadi. "Championat.asia" ijodiy guruhi muhim to'qnashuvni bevosita o'quvchilar uchun yoritib borish maqsadida Samarqand shahriga yetib kelgan.
Bugun Superkubokdan oldingi rasmiy tadbirlar bo'lib o'tmoqda. Uchrashuvda rasman mehmon maqomida bo'ladigan "ajdarlar" 16:00da o'yin o'tkaziladigan "Dinamo" stadionida rasmiy mashg'ulot o'tkazdi. Mashg'ulotda jami 21 nafar futbolchi ishtirok etdi. Shulardan 18 nafari o'yinchi, 3 nafari darvozabon. Barcha to'liq shug'ullandi, hech qanday kichik jarohatlar yo'q.
Mashg'ulotlarni yordamchi murabbiy Shuhrat Toshpo'latov olib bordi.
Ro'ziqul Berdiev ham mashg'ulot jarayoniga tashrif buyurdi.
Fotogalereyani to'liq holda saytimizning maxsus bo'limi orqali tomosha qilish mumkin. FOTOGALEREYA
