Bu fazilat “Nasaf” professional futbol klubiga ham xosdir. Bu kun arafasida urush va mehnat faxriylarini yo'qlash ularga hurmat ko'rsatish, klubimiz ananasiga aylangan. Zero, yoshlikning navqiron chog'larini urush olovlarida, janggohlarda o'tkazib, bugungi tinch va osoyishta hayotimiz uchun kurashgan insonlar jasorati biz uchun juda qadrlidir.
Xotira va qadrlash kuni arafasida, klubimiz nomidan iqtidorli futbolchilarimiz Odiljon Hamrobekov, Azizjon G'aniev va Bobir Abduxoliqovlar Qarshi shahrida istiqomat qilayotgan urush va mehnat faxriylarining xonadonlariga tashrif buyurishdi. Ularga hurmat va ehtirom bajo keltirishdi. Quyida ana shu tashrif jarayonidan olingan suratlarni e'tiboringizga havola qilamiz.
