"Манчестер Юнайтед" бош мураббийи Майкл Кэррик вингер Маркус Рэшфорднинг келажаги бўйича бир қарорга келди, деб хабар бермоқда "Mirror Football".
Манба маълумотларига кўра, мутахассис футболчининг МЮга қайтишини истайди. Бироқ у бу масалада фақат ўзи лавозимида қолган тақдирдагина қатъий туриши мумкин.
Кэррик манкунианлар жамоасини мавсум охиригача бошқариб турибди. Мутахассиснинг "Олд Траффорд"даги кейинги тақдири жамоа сардори Брунунинг келажаги каби номаълум.
Рэшфорд жорий мавсумни ижара асосида "Барселона"да ўтказмоқда. 28 ёшли ўйинчи ушбу мавсум барча мусобақаларда 32 ўйин ўтказиб, 10 та гол урди ва 12 та голли узатмани амалга оширди.
