Moyes: "Van Persi yangi mavsumda "MYU" uchun katta foyda keltiradi"

Tolibjon Qosimov
19 iyul 2013
"MYU"ning shotlandiyalik bosh murabbiyi Devid Moyes Van Persi jismoniy holatini yanada yaxshilab, avvalgi mavsumdagidek jamoa uchun juda muhim rol o'ynashini takidlamoqda.
Yakunlangan mavsumda 26 gol bilan Premer-liga to'purariga aylangan gollandiyalik jamoaning 20-chempionligiga katta hissa qo'shgandi.

Devid Moyes fikricha, Robinning jamoaga ta’siri juda kuchli va bu mavsumda u jamoani yana bir sovrin tomon etaklashi kerak.

"Hozir biz uning formasini yaxshilash uchun harakat qilyapmiz. Undan avvalgi mavsumda qilgan ishini takrorlashi talab etiladi. Yani u ko'proq gollar urishi va jamoani g'alabalar tomon etaklashi kerak".

"Uni mashg'ulotlarda shu hafta birinchi marta ko'rdim. Kichik o'yinlarimizda uning to'p bilan harakatlanishi, to'pni to'xtatib olishi, nazorati va fikrlashini kuzatdim. Uning ishga bo'lgan munosabati va professionalizimi meni hayron qoldirdi. U mashg'ulotlar qiyinroq kechayotganidan hech ham noligani yo'q" ,- deydi Moyes.


Tolibjon QosimovMuallif
Manba: goal.com