Маълумки, ҳозирда ушбу мураббий Ливан терма жамоасини бошқармоқда. Яқинда ундан ОАВ ходимлари интервью олишди ҳамда суҳбат мобайнида Радулович Осиё Кубогига оид фикрларини билдирди.
- "Мен жаҳон чемпионатида Саудия Арабистони терма жамоасини диққат билан кузатдим. Чунки улар Осиё Кубогида биз билан бир гуруҳда кураш олиб боради. Гарчи Саудия ЖЧда гуруҳдан чиқа олмаган бўлса-да, ўйиндан ўйинга ўсиб борди дея оламан. Биз учун Осиё Кубогида бу жамоага қарши курашиш жуда қийин бўлади".
- "Шуни айтишим мумкин, Саудия Арабистони Осиё Кубогида фаворит бўлади. Биз қийин гуруҳдан жой олганмиз. Гуруҳимизда шунингдек, Қатар билан КХДР ҳам бор ва улар билан беллашиш осон бўлмайди. Осиё Кубоги - нуфузли мусобақа, бу ерда кўп жамоалар ғолиб чиқишни истайди. Ливан термаси БААга турист сифатида бормайди, мана кўрасизлар, биз ҳам қўлдан келганча ҳаракат қиламиз", - дейди Миодраг Радулович.
