"Bekobodning “Metallurg” jamoasi yangi mavsum tadorigini yanvar oyining ikkinchi haftasidan boshlashni rejalashtirgandi. Jamoa azolari kecha poytaxtimizdagi “O'zbekiston” mehmonxonasida jamlanishdi. Bugundan esa mashg'ulotlar “Do'stlik” stadionida boshlandi. Avvaliga futbolchilarning jismoniy tayyorgarligini tiklash mashqlariga etibor qaratildi. Mashg'ulot so'ngida esa futbolchilar to'p bilan ishlashga o'tishdi.
O'tgan mavsum bilan solishtirganda, “Metallurg” tarkibida bir qator o'zgarishlar bo'lishi kutilmoqda. Xususan yarim himoyachi Abdurahmon Abdulhaqov yangi mavsumni ijara asosida Superliganing yangi vakili – “Turon” jamoasida o'tkazish uchun Yaypan klubi safiga borib qo'shildi.
Himoyachilar – Abbos Otaxonov, Jasur O'rinov, yarim himoyachilar Muhammad Isaev, Xudoyshukur Sattorov, hujumchi Murodbek Bobojonov ham keyingi faoliyatini boshqa klublarda davom ettirishadi. Mazkur o'yinchilar bilan shartnoma muddati uzaytirilmadi va ular erkin agent sifatida “Metallurg”ni tark etishdi.
“Metallurg” PFK jamoasi klubni tark etgan barcha futbolchilarga samarali hamkorlik uchun minnatdorlik bildiradi va ularning keyingi faoliyatiga omad yor bo'lishini tilaydi.
Bekobodliklarning mavsum oldi yig'inida jamoa o'zagi saqlab qolingan holda o'tgan yili mavsum kashfiyoti bo'lgan U 21 jamoamizdan qator o'yinchilar jalb etilgan. Bundan tashqari bir qator yangi futbolchilar ham ko'rikdan o'tishyapti. Ulardan kimlar bilan shartnoma imzolanishini vaqt ko'rsatadi. Shundan keyingina klubga qabul qilingan yangi o'yinchilar haqida batafsil malumot beramiz.
“Metallurg” U 21 jamoasi yig'ini 21 yanvar sanasidan Bekobod shahrida boshlanadi", deyiladi xabarda.

“Metallurg” Toshkentda yig'ildi: Abbos Otaxonov, Murod Bobojonov kabi o'yinchilar jamoani tark etgan