Bikmaev o'zining qadrdon jamoasiga qaytgach tezda asosiy hujumchiga aylandi. Marat Bikmaev hozirga qadar "Paxtakor" o'tkazgan barcha o'yinlarda boshlang'ich tarkibda maydonga tushdi va har uchala bahsda ham o'z nomini tabloda yozdirib qo'yishga muvaffaq bo'ldi.

Dastlab OCHL saralash bosqichi doirasidagi Iroqning "Eyr Fors"ga qarshi uchrashuvda jarima zarbasidan qoyilmaqom gol urgandi. Keyinchalik OCHL pley-off doirasidagi Dubayda o'tgan "Al Nasr" bilan bo'lgan o'yinda ham jamoasining ikkinchi goliga mualliflik qilgandi. Kuni kecha OCHL guruh bosqichining 1-turidan o'rin olgan "Persepolis"ga qarshi uchrashuvda ham jamoasi uchun muhim bo'lgan golni urdi. Shu tariqa Marat Bikmaev "Paxtakor"ga qaytgach barcha bahslarda gol urib kelmoqda.

Qayd etish kerakki, Marat Bikmaevning OCHLda kiritgan jami gollari soni 12taga etdi. Futbolchi "Lokomotiv" tarkibida ham OCHL o'yinlarida raqiblari darvozasini 9 marotaba ishg'ol etgan.

Eslatib o'tamiz, Marat Bikmaev Superliga 1-tur doirasidagi o'zining sobiq jamoasi "Lokomotiv"ga qarshi o'yinni diskvalifikaciya tufayli o'tkazib yuboradi. Mazkur Toshkent derbisi bo'lishi kerak bo'lgan sana 8-martdan 16-martga kechiktirilgani haqida xabar bergandik.

Marat Bikmaevdan qoyilmaqom natija