Jurnalist Fabricio Romanoning xabariga ko'ra, "bo'rilar" rahbariyati hujumchi Mateus Kunya bilan yangi kelishuv borasida kelishuvga erishishdi, braziliyalikning maoshi o'sadi. Qayd etilishicha, faqatgina rasmiyatchilik qolgan, shundan so'ng hujumchi yangi bitimga imzo chekadi.
Kunyaga Yevropaning bir nechta top klublari qiziqish bildirayotgan edi. 25 yoshli futbolchi "Vulverxempton" tarkibida barcha musobaqalarda 20ta o'yinda maydonga tushib, 10ta gol va 4ta assist qayd etdi. Transfermarkt braziliyalikni 50 million evroga baholamoqda.
