Torino – Jenoa 0:0
13 fevral, 19.00, Olimpiko di Torino
Torino – Sirigu, Singo, Icco, Nkulu, Ansaldi (Murru, 79), Mandragora, Lukich (Bazelli, 71), Rinkon (Linetti, 79), Bremer, Belotti, Dzadza (Verdi, 71).
Jenoa – Perin, Chiborra, Masello, Krishito (Goldaniga, 18), Dzappakosta, Zayc, Radovanovich, Strotman, Rovella, Pandev (Shomurodov, 46), Destro (Pyaca, 77).
Ogohlantirishlar:
Krishito (10), Rovella (38), Goldaniga (60), Bremer (79), Icco (85), Radovanovich (90).

Uchrashuv yakunlandi. Hisob o'yinga mos bo'ldi - 0:0. TURNIR JADVALI

90+2. Verdining zarbasiga aniqlik etishmadi.

90+1. Jarima maydoni tomon yuugurayotgan Belottini Radavanovich qo'pollik bilan to'xtatib qoldi. Mezbonlarda standart vaziyat.

Uchrashuvning asosiy vaqtiga 3 daqiqa qo'shib berildi.

87. Strotman jarima maydoni ichidaga Eldorga to'pni yuqoridan tashlab berdi. Afsuski, Shomurodov to'pni to'xtatishga xatoga yo'l qo'ydi. To'xtatmasdan zarba bergan maqul edi-ku, Eldor...

84. Kevin Strotmanga nisbatan qoidani buzgan Icco ogohlantirildi.

82. Mehmonlardan qarshi hujum! Zappakosta jarima maydoni ichisha oshirgan to'pga Pyaca boshi bilan zarba berdi. Zarba juda ham kuchli edi, biroq Salvatore Sirigu to'g'ri joy tanladi.

79. "Jenoa" futbolchisiga nisbatan qoida buzgan Brener ogohlantirildi.

76. "Jenoa"da o'zgarish: Ballardini Destro o'rniga Marko Pyacani maydonga chiqardi.

75. Eldor Destro manziliga uzun pas uzatgan edi. Himoyachilar qaytarib qolishdi.

71. "Torino" safida o'zgarishlar: Lukich o'rniga Baselli, Zaza o'rniga Simone Verdi maydonga tushdi.

66. Shomurodov markaziy hujumchi sifatida o'ynayapti, Destro biroz orqaroqqa ko'chgan. Ammo to'p kam holatlarda forvardlargacha yetib kelyapti.

62. Maydon markazida turgan Eldor bitta pas bilan Rovellani yaxshi poziciyaga chiqardiyu Nikoloning uzatmasi noaniq.

59. Belottini chalib yiqitgan Goldaniga sariq kartochka bilan jazolandi.

57. Uxxxxxx! Zappakostaning jarima maydoni tashqarisidan bergan kuchli zarbasi darvoza to'siniga tegdi. Genuyaliklarni bir necha santimer goldan ajratib qoldi.

52. Ansaldi jarima maydonchasi ichidagi Belotti manziliga to'p uzatdi. Radavanovich Andreaga halaqit bermaganida mezbonlar hisobda oldinga o'tib olishlari mumkin edi.

48. Jarima maydonchasiga kirib borgan Zaza to'pni tepish jarayonida kichik jarohat oldi shekilli. Italiyalik forvard maydonda yotibdi...

46. Ikkinchi bo'lim boshlandi! Eldor Shomurodov Goran Pandevni almashtirdi.

Ha, Eldor libsolarini almashtirmoqda. U ikkinchi bo'limning ilk daqiqalaridan maydonga tushadi.
- Eldor Shomurodov tanaffus mahali faol tarzda chigil yozdi mashqlarini bajarmoqda. Hamyurtimiz katta ehtimol bilan tez orada maydonga chiqadi.

Fabricio Paskuaning 1-taymni yakunlab beruvchi hushtagi chalindi. Tanaffus!

45. Uchrashuvning birinchi bo'limiga 2 daqiqa qo'shib berildi.

42. Belotti chayon uslubida zarba berdi. Biroq, italiyalik futbolchi darvoza qaysi tomondaligini adashtirib yubordi.

38. Ansaldining oyoqlariga butsasining ostki qismi bilan hujum qilgan Nikolo Rovella sariq kartochka bilan jazolandi.

33. Eldorning maydonda yo'qligi bilinmoqda. Darvoza tomon aniq zarba beradigan biror mard topilmayapti.

27. Belotti himoyachidan to'pni tortib olib, darvoza tomon yurdi. "Jenoa" mudofaasining boshqa vakillari ehtimoliy xavfni bartaraf qilishdi.

25. Chorak soat davomida darvozalar tomon birorta ham aniq zarba berilmadi.

22. Zappakosta "Torino"ning jarima maydonchasi ichida yiqilib tushdi. Penalti bormi? Yo'q, o'yin davom etyapti.

18. "Jenoa"da o'zgarish: jarohatga yo'liqqan Krishito zaxiraga olindi, Goldaniga uning o'rniga o'yinni davom ettiradi.

Ma'lumot uchun, "Jenoa" ayni paytda musobaqa jadvalida 12-o'rinni egallab turibdi. JADVAL bilan tanishing

14. Krishito bu gal Simone Zazaga nisbatan qo'pol o'ynadi. Genuyaliklar himoyachisi ehtiyotkorroq bo'lgani maqul. Allaqachon uning hisobida sariq kartochka bor.

10. Qanotdan oldinga o'tayotgan Lukichga nisbatan qo'pol o'ynagan Krishito ogohlantirildi.

7. "Jenoadan" hujum. Qanotdan uzatilgan to'pga jarima maydoni ichidagi Destro boshi bilan zarba berdi - noaniq.

4. Mezbonlar hujumda, Andrea Belotti Radavanovich bilan to'qnashuvdan keyin erga quladi. Uchrashuvni boshqarib borayotgan Fabricio Paskua jim.

1. Uchrashuv start oldi! To'pni o'yinga "Torino" o'yinchilari kiritib berishdi. Hamyurtimiz Eldor Shomurodov hozircha zaxira o'rindig'ida o'tiribdi.

- Jamoalar stadionga chiqib kelishmoqda.

"Jenoa" Turin klubi bilan durang qayd etdi. Shomurodov 48 daqiqa o'ynadi