"O'zPFL Coca Cola Superliganing markazlashtirilgan uchrashuvlari vaqtini belgilashda o'yinlarning Toshkent shahrida - 19:00, Toshkent viloyatida - 18:30 hamda projektorida muammolar bor stadionlarda - 17:00 (shomga qadar tugashi inobatga olinib) o'tishini hisobga olgandi.
“Surxon” - “Navbahor” uchrashuvi yakunida mehmonlar ustozi vaqt masalasi haqida fikr bildirdi. “Paxtakor” rahbariyati “Jar” stadioni projektorlari masalasida ish olib bordi, O'zPFL komissari kecha - 20 avgust kuni yoritish tizimini qayta ko'zdan kechirdi.
Bugun - 21 avgust kuni O'zPFL va “Sport” telekanali o'rtasida o'yinlar vaqti masalasida uchrashuv bo'lib o'tdi. Vaziyatdan kelib chiqib, “Sport” telekanali 22 avgust kungi “Navbahor” - “Mashal” uchrashuvini hamda 24 avgust kungi “Qo'qon-1912” - “Andijon" uchrashuvini 18:30 da jonli efirga olib chiqishni ma'lum qildi. “Jar” mezbonligidagi so'nggi o'yin - “Lokomotiv” - “Nasaf” 27 avgust kuni 17:00 da start olishi belgilangandi. Ayni vaqtda “Sport” telekanali mazkur uchrashuv vaqti masalasida ish olib bormoqda. O'yin yozib olingan holatda namoyish etilsa hech qanday muammo bo'lmaydi, biroq O'zPFL muxlislar o'yinlarni uydan turib kuzayotgani sabab, uchrashuvlarning jonli o'tishidan manfaatdordir. Bu borada qo'shimcha ma'lumot beriladi.
O'zPFL teledasturlardagi o'zgarishlar uchun “Sport” telekanaliga minnatdorchilik bildiradi", deyiladi xabarda.

Eslatib o'tamiz, "Navbahor" ustozi Andrey Kanchelskis 10-tur doirasidagi "Surxon"ga qarshi o'yindan keyin musobaqa tashkilotchiligidan noroziligini ochiqchasiga bayon qilgan va O'zPFL direktori vazifasini bajaruvchi Diyor Imomxo'jaev rossiyalik murabbiyga javob qaytargan edi.

"Jar" stadionidagi 2 uchrashuv vaqti o'zgardi