"Жаҳон чемпионатида бор кучимиз билан ҳаракат қилдик, қўлимиздан келганича ўйнадик. Ўйинларда ҳам яхши натижалар қайд этдик деб ўйлайман. Эсда қоларли мусобақа бўлди", – деди Рустамов.
- Айнан сизга қайси жамоага қарши ўйин қийинчилик туғдирди ва эсда қоларли ўтди?
- Мен учун Ирландия билан баҳс қийин кечди. Улар жисмонан бақувват экан, шу сабабли биз қийинчиликка учрадик. Италия билан ўйин ҳам ўта қийин бўлди.
- Нима деб ўйлайсиз, Ўзбекистон Европа жамоаларига қарши қанчалик рақобатбардош бўла олди?
- Терма жамоамиз ўсишда давом этяпти. Етарлича қаршилик кўрсатдик деган фикрдаман. Бундан кейин ҳам тўхташ йўқ.
