- Иккинчи даврадан бошлаб жамоани қабул қилиб олдим. Биринчи навбатда жамоани ўзагини шакллантириб берган собиқ бош мураббий Абдусамад ака Дўрмоновга раҳмат айтаман. “Ёзёвон-Лочинлари” жамоасини қабул қилиб олганимдан сўнг тактик жиҳатдан ўзгартиришларни амалга оширдим. Ташкилий масалалар борасида олдинга қадам ташладик. Жамоани қабул қилганимдан сўнг имкон қадар “Ёзёвон-Лочинлари”ни кучайтиришга ҳаракат қилдим. Биринчи лигада дебют қилган жамоа учун 8-ўрин ёмон натижа эмас деб ўйлайман.
- Фарғонанинг яна бир жамоаси “Цеметчи” борасида қандай фикрдасиз ? Улар бу йил 4-ўринни банд қилишди...
“Цеметчи” – тажрибали жамоа. “Цеметчи” таркибида яхши ижрочилар жам бўлишган. “Ёзёвон-Лочинлари”га қараганда юқори савияли футболчилар “Цеметчи”да ўйнайди. Фикримча, “Цеметчи” бу йилги мавсумда яхши таассурот қолдирди.
- “Ёзёвон-Лочинлари” бу йил ўз олдига қўйган вазифани бажардими?
- Ҳа. Жамоа олдига лигада жон сақлаш вазифани қўйилганди.
- Кейинги мавсумга-чи?
- Тез кунда янги мавсумга тайёргарлик бошланади. Ҳозир бирон нарса дейиш қийин. Чунки футболчиларимизга Олий лигадан жиддий таклифлар бўляпти. Аслида бизнинг мақсад ҳам шу: Олий лигага иқтидорли футболчиларни етиштириб бериш.
- “Нефтчи”дан шогирдларингизга таклифлар бўлаётгани ростми?
- Тўғриси, ҳали расман таклиф бўлгани йўқ. Аммо яқинда “Нефтчи” ёшлари билан ўйнадик ва футболчиларимизга “Нефтчи” мураббийлар штабидан оғзаки таклифлар бўлди, холос.
- Аслида “Ёзёвон-Лочинлари”да “Нефтчи” савиясига тўғри келадиган ижрочилар бор деб ўйлайсизми?
- Билмадим. Мен учун барча шогирдларим яхши ижрочи ҳисобланади. Менга ёққан ўйинчи бошқа мураббийга ёқмаслиги мумкин.
Ҳожиакбар Жабборов суҳбатлашди.
