"Qiyin o'yin bo'lishi oldindan malum edi. "Dinamo" jamoasi ham o'z oldiga yuqori maqsadlarni qo'ygan. Ikki xil taym guvohiga aylandik. Birinchi bo'limda futbolchilar mukammal o'yin ko'rsatdi. Shuning evaziga hisobda oldinga chiqib oldik. Ikkinchi bo'limda jamoa himoyaga ko'proq etibor qaratdi. Lekin, yutayotgan vaqtimizda himoyaga yotib olish topshirig'i berilmagan edi. Balki, bu ruhiyat bilan bog'liqdir. Yana tahlil qilib ko'rib chiqamiz. Himoyada ko'proq harakat qilganimiz hisobiga raqib qanotlardan havfli hujumlarni amalga oshirdi. Yakunda penaltidan hisobni tenglashtirdi. Qolaversa, ikkinchi bo'limda bizda chiziqlar orasidagi bog'lamlar uzulib qoldi. Futbolchilar o'yinning tonusini yo'qotib qo'ygani hisobiga birinchi bo'limdagidek o'ynay olishmadi.

To'g'ri, Superligaga chiqishimiz uchun raqiblardan ochko olishimiz kerak. Yani "Sho'rtan", "Neftchi", "Dinamo" kabi jamoalarni mag'lub etishimiz kerak. "Sho'rtan" hozir "Oq-tepa"ga yutqazdi. Nimalar bo'layotganini hech kim tushunmayapti. Bu turda g'alaba qozongan jamoa keyingi turda ochko yo'qotmoqda.

Musobaqa formati qay tarzda davom etishi reglamentda ko'rsatilgan. 1-4 o'rinni egallagan jamoalar Superligaga chiqish yo'lida harakat qilishadi. 5-8 o'rindagi jamoalar esa Pro ligada qolish uchun kurashishadi. Ikki davra davomida uy safar tizimida o'tkaziladi.

"Turon" akademiyasi borasida amaliy ishlar olib borilmoqda. Mahalliy murabbiylar ish olib boryapti. Ota-onalar klubga kelishsa xodimlarimiz bilan bog'lanishlari mumkin",- deydi Islom Ismoilov.

Islom Ismoilov: "Superligaga chiqishimiz uchun "Sho'rtan", "Neftchi" va "Dinamo"ni mag'lub etishimiz kerak"