"Paxtakor" safida rasmiy o'yinlarda o'zining birinchi golini urgan Hojimat Erkinov golli uzatma muallifiga ham aylandi. Klub matbuot xizmati "Traktor" bilan kechgan bellashuv haqida Erkinovning fikrlarini taqdim etdi.
- O'yinni nazoratimizga olishga urindik, ammo o'zimizning xatolar evaziga ikkinchi bo'lim boshida ikki to'p o'tkazib yubordik. Shundan keyin oldinga bordik va o'yinga qaytishga muvaffaq bo'ldik. G'alabani saqlab qola olmadik, lekin jamoamiz xarakterini ko'rsatib qo'ydi deb o'ylayman. Ko'proq vaziyatlar yaratdik.
Murabbiy meni maydonga tushirayotgan payt jamoaviy harakatlarga ko'proq energiya, adrenalin berishim kerakligini aytdi. Tezligimdan foydalangan holda jamoaga yordam berishga urindim.
Eslatib o'tamiz, "Paxtakor" 2-tur doirasidagi o'yinini shanba, 17 aprel kuni Iroqning "Eyr Fors" klubiga qarshi o'tkazadi.
