Bu haqda "Surxon" klubi matbuot xizmati xabar qildi.
- Men bugungi o'yin haqida fikr bildirishdan oldin, Termizga kelishimizdagi qiyinchiliklar haqida gapirib o'tmoqchi edim. Biz G'uzorga yaqinlashganimizda yo'lda avtobusimiz buzilib qoldi. Ancha vaqt yo'lda ushlanib qoldik.Shu vaqtda Surxon jamoasi avtobusi yonimizdan o'tib ketdi. O'ylashimcha, Surxon bizga yordam ko'rsatishi kerak edi. Termizda mehmonxona topishda ham muammolarga duch keldik. Deyarli, barcha mehmonxonalar band. Mana shu sabablar o'yinga ta’sir ko'rsatdi deb o'ylayman. Futbol bu - do'stlik.
O'yin haqida to'htaladigan bo'lsam, bugun 70 daqiqa yaxshi harakat qildik. Qulay imkoniyatlardan foydalana olmadik. Surxon o'ziga yaratilgan imkoniyatlardan foydalanib, g'alabani qo'lga kiritdi.
Hakamlarga etirozim yo'q. Ular o'yinni yaxshi boshqarib bordilar.
Surxondaryo xalqini bugungi g'alaba bilan tabriklayman.
P.S. Termizda halqaro forum va Termiz shahrida O'zbekiston Respublikasi Mustaqilligining 28 yillik bayram tadbirlari bo'lganligi sabab, Termizdagi barcha mehmonxonalarda joy bilan bog'liq muammolar yuzaga kelgan.
