Ироқнинг "Эйр Форс" клуби куни кеча Тошкентга етиб келди. Жамоа ОКМКга қарши Осиё Чемпионлар лигаси гуруҳ босқичи доирасидаги ўйинга келиш учун фуқаролик самолётини ижарага олган.
Клуб раҳбарияти аъзоси Мувафақ Зиданнинг таъкидлашича, клубниг кечикишига ҳаво йўналиши орқали учиб кетиши керак бўлган қўшни мамлакатлардан рухсат олишда юзага келган муаммолар сабаб бўлган. Жумладан, Тоғли Қорабоғ воқеалари туфайли Озарбайжон ўз осмонидан учиб ўтишга рухсат бермаган. Шу боис, жамоа парвози кечроққа қолдирилган ва 150 минг АҚШ доллари эвазига "Iroq Airways" компаниясидан фуқаролик самолёти ижарага олинган.
Эслатиб ўтамиз, аввалроқ "Эйр Форс"нинг жума куни хусусий ҳарбий самолётда Тошкентга учишни режалаштираётгани ҳақида хабар бергандик.
ОЧЛ 2-туридан ўрин олган ОКМК — "Эйр Форс" учрашуви Олмалиқ шаҳрида соат 17:00 да старт олади.
