Biz terma jamoamiz safida harakat qilgan va bugungi o'yinda ikkita golga mualliflik qilgan Dilshod Raxmatovdan o'yin haqida intervyu oldik.

- Bugungi g'alaba bilan barchangizni tabriklayman. O'yin haqida qanday fikr bildirasiz?
- Bugungi o'yin uchun jiddiy tayyorgarlik ko'rgandik. Jahon chempionatiga chiqish uchun sakkiz oy tayyorgarlik ko'rgan bo'lsak bir necha yildan beri Jahon chempionatini kutayotgan odamlar bor. Bugungi g'alaba bilan barcha O'zbekiston halqini tabriklayman. Gol urishimda barchani jamoadoshlarim menga katta yordam berishdi. Ularga raxmat aytaman. Jahon chempionatiga chiqqanimiz bilan barcha jamoadoshlarimni tabriklayman. Bugun orzuyimiz amalga oshdi.

- Ilk golni Iroq terma jamoasiga urganingizdan so'ng ko'nglizdan qanday kechinmalar o'tdi.
- Albatta gol urganimdan xursandman. Meni o'rnimda boshqa futzalchi ham bo'lishi mumkin edi. Muhim uchrashuvlarda gol urish albatta yoqimli.

- Iroq terma jamoasi haqida qanday fikr bildirasiz?
- Iroq terma jamoasini o'yinini ko'rgan bo'lsangiz darvozabonimiz Rustam Umarov uchun anchagina qiyinchilik tug'dirishdi. Bizga murabbiylar ko'rsatgan ko'rsatmalarini a'lo darajada bajargan bo'lsak ham ular biz kutgandan ko'ra yaxshiroq o'yin namoyish etishdi. Ular ham bizni o'yinimizni ko'rib shunga yarasha tayyorlangan. Biz o'zimizga yaratilgan vaziyatlardan yaxshi foydalandik. Ular shbu vaziyatlardan foydalana olishmadi sababi bizning davrozabonimiz kuchchli (kuladi).

Jahongir Sotvoldiev suhbatlashdi.

Dilshod Rahmatov: “G'alaba bilan o'zbek xalqini tabriklayman”