- O'yin haqida

- Uchrashuvga jiddiy tayyorgarlik ko'rgandik. Jamoamiz bosh murabbiyi Asror Aliqulov bilan raqibdan kelib chiqib, o'yin rejasini ishlab chiqqandik. Stadionga kelib qo'llab-quvvatlagan muxlislarga minnatdorchilik bildiraman. G'alabamizdan barcha birdek xursand holatda. Jamoamiz murabbiylar shtabini, futbolchilarni, klubimiz rahbariyatini bugungi yirik g'alaba bilan tabriklayman.

- Tezkor gol yakunda yirik hisobdagi g'alabaga sabab bo'ldi, deb izohlasak bo'ladimi?

- Biz yigitlardan oldingi chiziqda tajovuzkor o'yinni talab qilgandik. Tezkor gol urilishi yoki urilmasligi uchun emas, umuman, agressiv va hujumkor futbol bugungi rejamiz edi.

- Asosiy tarkibda maydonga tushirilgan Nodirjon Nurmatovning o'yiniga qanday baho berasiz?

- Nurmatov mavsumoldi yig'inlarda gol urib kelayotgandi. O'yin oldidan uni maydonga tushirishimizni aytganimizda, 2 ta gol urishini vada qilgandi. Gol urish bo'yicha so'zini ustidan chiqdi, 2 ta bo'lmasa ham 1 ta gol urdi. Uning o'yinidan qoniqish hosil qildik.

- Navbatdagi turda "Xorazm" bilan o'ynaysizlar. Bugungi g'alaba o'sha o'yinda ham motivaciya beradi, deb hisoblaysizmi?

- Bizga bitta g'alaba zarur edi. Ko'pchilik tomonidan aytilganidek, chiroyli o'yin ko'rsatsak-da, yutqazayotgandik. Futbolda albatta natija muhim hisoblanadi. G'alaba jamoamizga motivaciya beradi. Albatta, biz har bir o'yinda g'alaba uchun maydonga chiqamiz.

- Avvalgi o'yinlarlardan farqli tarzda bugun jamoa darvozasini Amirbek Lutfullaev qo'riqladi. Buni qanday izohlaysiz?

- Bosh murabbiy Asror Aliqulov o'qishga ketmasidan oldin darvozabon tanlovini aytib o'tgandi. Bugun Lutfullaev yaxshi o'yin ko'rsatdi. Hozir klubimizda sharoitlar yaxshi, buning uchun rahbariyatga minnatdorchilik bildiramiz. Bundan tashqari, jamoamizda Nurullo Habibov darvozabonlar murabbiyi lavozimida ish boshladi. Bu ham darvozabonlarimiz o'yin sifati o'sishiga xizmat qiladi.

- Jamoa bosh murabbiyi Asror Aliqulov qachon klubga yetib keladi?

- Asror Chorievich ayni dam murabbiylik kurslari yuzasidan Ozarbayjonda bo'lib turibdi. Nasib bo'lsa, ertaga klubimiz ixtiyoriga yetib keladi.

Botir Qodirqulov: "Bizga bitta g'alaba zarur edi"