0:2 hisobida ortda borayotgan Anxel Lopes shogirdlari yakunda ikkita gol urib muvozanatni tiklashga erishishdi, 2:2. Jamoaning o'yindagi birinchi golini zaxiradan maydonga tushgan Luis Migel Kezada urdi. Uchrashuvdan so'ng uning fikrlari bilan qiziqdik.

"Qiyin o'yin o'tkazdik. "Paxtakor" O'zbekistonning eng yaxshi jamoalaridan biri hisoblanadi. Toshkentda ulardan ochko olish oson emas. Lekin biz buni uddaladik va bir ochko qo'lga kiritdik. Birinchi bo'limda koncentratciyani yo'qotmasligimiz kerak edi. Ikkinchi bo'limda oxirigacha kurashdik.
Raqib o'yinni yaxshi tashkil qiladi. Tarkibida vaziyatlarni hal qilib ketadigan futbolchilar bor. Jarohatdan tiklanish jarayoni ketmoqda. O'ylaymanki, bir haftalarda to'liq sport formamga kirib olaman",- deydi Luis Migel Kezada.

Jamoa sardori Bobur Akbarov ham o'yin borasidagi taassurotlari bilan o'rtoqlashdi.

- Top jamoaga qarshi maydonga chiqdik. O'ylaymanki, murabbiyimizning ko'rsatmalarini to'g'ri bajardik. Jamoada ichki muhit zo'r. Qisqasi bir oilamiz. Buni maydonda ham ko'rsatyapmiz. Mag'lub bo'lgan uchrashuvlarimizda ham kichkina xatolar kuzatilyapti. Ustimizda ishlashda davom etamiz. Bu hali hammasi emas. "Surxon" yanada kuchayamiz. Turnir jadvalidagi vaziyatni o'nglashga kuchimiz va imkoniyatimiz etadi

Bobur Akbarov va Luis Migel Kezada "Paxtakor"ga qarshi o'yindan so'ng nimalar dedi?