Denis Korostichenko boshchilik qilgan bugungi mashg'ulotlar noqulay ob-havo sharoitiga qaramay ko'tarinki ruhda kechdi. Bosh murabbiy Mirko Yyelichich ertaga tatildan qaytadi va ishga kirishadi. Shime Jujul, Boyan Naydenov ham shu kunlarda kelib qo'shilishi rejalashtirilgan. Jami 21 nafar futbolchi ishtirok etdi. Klub bilan rasman shartnoma imzolaganlardan Ivan Solovyov va Marat Bikmaev shug'ullandi. Oleg Zoteev hozircha sport formasini ushlab turish maqsadida "temiryo'lchilar" bilan birga bo'lib turibdi.
"Lokomotiv"ning Toshkentdagi yig'ini 19 yanvar sanasigacha davom etadi. 20 yanvardan mashg'ulotlar Turkiyaning Antaliya shahriga ko'chadi. U yerda bir qator xorij jamoalari bilan o'rtoqlik uchrashuvlari o'tkazish rejalashtirilgan. Raqiblar haqida quyidagi havolada o'qishingiz mumkin.
"Lokomotiv" Turkiyada qaysi jamoalarga qarshi o'ynaydi?
FOTO: Jahongir Fayzullaev
Qolgan suratlarni saytimizning maxsus bo'limida tomosha qilishingiz mumkin >>>>>>>>> GALEREYA
