Бугунги машғулотларга Сервер Жепаров қўшилгани ҳақида хабар бергандик. Машғулот давом этаётган бир пайтда икки легионеримиз БААнинг "Ал Шабаб" клуби аъзоси Азиз Ҳайдаров ва Қатарнинг "Ал Жайиш" клуби ярим ҳимоячиси Сардор Рашидов "Жар" стадионига ташриф бюуришди. Бироқ улар бугун юртимизга келишгани боис машғулотларни эртадан бошлашади.
Эслатиб ўтамиз, Ўзбекистон - Яман учрашуви 3 сентябрь куни соат 19:00да "Пахтакор" стадионида бўлиб ўтади.
