"O'yinga tayyorlashda futbolchilarni ruhiy holatiga ko'proq etibor qaratdik. "Xorazm" jamoasi turnir jadvalining so'ngi o'rnida borayotgan bo'lsada o'yinda biz etibor beradigan jihatlari bor edi. Futbolchilardan 100 foiz tayyor bo'lishni talab qilgandik. Lekin, birinchi bo'limda o'yinchilarim oson yutamiz deb o'ylashdi shekilli harakatlari qovushmadi. Futbolchi uchun yarashmaydigan xatolar qilishdi. Ikkinchi bo'limda katta kuch bilan oldinga o'tdik, raqib himoyasida bo'shliqlar yuzaga keldi. Mashg'ulotlarda raqib jamoaning kuchsiz va kuchli tomonlarini o'rganganimiz samarasini berdi.

Futbolchilarni vazifasi futbol o'ynash, o'zining harakatlari bilan jamoasiga xursandchilik ulashishdir. Kamera qarshisidami yoki muxlislar qarshisidamiz etibor bermasdan o'ynashi kerak. Shundagina hech qanday bosimni his qilishmaydi.

Yosh futbolchilardan birinchi bo'limda yoki ikkinchi bo'limda foydalanishni maqsad qilgandik. Uchta uchrashuvdan beri birinchi bo'limda yoshlarni tushirmoqdamiz, bilasiz yoshlarimiz asosan hujum chizig'i vakillari hisoblanadi.

Qattiqqo'l murabbiyman deyishim mumkin. Chunki, gohida futbolchilarim hafa bo'lib qolishadi. Mashg'ulotlarda bu tomondan ish olib boramiz, shu vaziyatda nima uchun ko'nglimiz to'lmaganini aytamiz. Futbolchilarimdan xursandman. Shu vaqtgacha biron bir futbolchi jamoadan o'zini olib yoki o'zini keraksizdek his qilgan paytlar bo'lmagan.

"Xorazm" safida bo'y tomonlama, yakkakurashlarda baquvvat hamda kuchli driblingga ega futbolchilar bor. Chap qanot yarim himoyachisi, 7-raqamdagi hujumchi bizga muammo tug'dirdi. O'zining o'yini bilan yuqori darajada ekanligini isbotladi.
Oxirgi o'yinlarda charchab qolgan holatda ko'proq vaziyatlarga ega bo'lmoqdamiz. Biz bilan o'yinlarda oxirgi daqiqalarda raqiblarga qiyin bo'lmoqda. So'ngi daqiqalarda biz ko'p gol kiritmoqdamiz",- deydi Asror Aliqulov.

Asror Aliqulov: "Qattiqqo'l murabbiyman deyishim mumkin"