"Emireyts" stadionida kechgan bahs shiddatli kurashlarga boy o'tdi. 29-daqiqada Lisandro Martines o'z darvozasini ishg'ol qilib qo'yishi natijasida londonliklar hisobda oldinga chiqib olishdi. Biroq 37-daqiqada Brayan Mbemo muvozanatni tikladi. Ikkinchi bo'lim boshida, 50-daqiqada Patrik Dorgu mankunianliklarni hisobda oldinga olib chiqdi.
O'yin yakunida drama sodir bo'ldi: 84-daqiqada Mikel Merino hisobni tenglashtirgan bo'lsa, oradan 3 daqiqa o'tib Mateus Kunya "qizil iblislar"ga g'alaba keltiruvchi golni urdi.
Ushbu mag'lubiyatga qaramay, "Arsenal" 50 ochko bilan turnir jadvalida peshqadamlikni davom ettirmoqda. "Manchester Yunayted" esa 38 ochko bilan 4-o'ringa ko'tarilib oldi.
Navbatdagi turda "kanonirlar" 31 yanvar kuni "Lids" bilan to'qnash kelishadi, MYU esa 1 fevral kuni "Fulxem"ni qabul qiladi.
