- Avvalambor, g'alaba bilan tabriklayman! O'yin boshida oldinroqda o'ynadingiz, gol urish haqida o'ylaganmidingiz?
- Endi birinchi o'rinda jamoaga yordam berishni o'ylaymiz. Gol urganimga kelsak, jamoaga yordam berganimdan xursandman.
- Oxirgi o'yinlarda Umar Eshmurodov tayanch zonasida harakat qilmoqda. Bu siz va Markoga qiyinchilik tug'dirmayapti, chunki, Eshmurodov uchun bu poziciya biroz notanish.
- Yo'q, aksincha. Umar aka ancha tajribali o'yinchi. Oldinga o'tib ketsak, orqa chiziqda ancha yordam bermoqda.
- “Navbahor” hisobni tenglashtirgan keyin jamoada qandaydir shok holati yuz bergandek bo'ldi. Jamoaning kayfiyati tushib ketdi. Bu sizlarga qanday ta’sir qildi?
- Yo'q, u qadar shokka tushmadik. O'yin hali davom etishini barcha tushunib turgandik. Hali vaqt bor edi va oxirigacha harakat qildik. Natija ham yaxshi bo'ldi. Xudo xohlasa, Superliga chempionligini ham qo'lga kiritamiz.
Faxriddin Ro'ziev yozib oldi
