"Ювентус" "Ман Сити"нинг асосий юлдузларидан бирини жамоага қўшиб олишни хоҳламоқда

Ёзда португалиялик футболчи эркин агентга айланиши мумкин ва туринликлар унга 3 йиллик шартнома таклиф қилиб, мавсумига тахминан 7 миллион евро маош беришни режалаштирмоқда.  

Силва ҳозирча келажагини аниқ қилмаган. 31 ёшли футболчи карьерасининг сўнгги босқичида янги муҳит ва янги чақириқ изламоқда.  У барча таклифларни ўрганиб чиқмоқчи — унга "Барселона", "Бенфика", "Галатасарай", араб лигалари клублари ва МЛС жамоалари ҳам қизиқиш билдирмоқда. Барча клубларга у апрель ойи охиригача қарор қабул қилмаслигини айтган.  

Жорий мавсумда Бернарду барча турнирларда 41 ўйин ўтказиб, 3 гол урди ва 5 та голли узатма берди.