Кэррик "Борнмут"га қарши ўйинидаги ҳакамликни танқид қилди

"Биз 2:0 ҳисобида олдинга чиқишимиз мумкин бўлган ажойиб вазият бор эди ва бизга битта пенальти беришди, лекин иккинчисини беришмади. Ҳолат бутунлай бир хил — ҳар икки вазиятда ҳимоячи рақибни қўл билан ушлаб турибди. Ҳакам битта вазиятда хато қилди, қайси бирида эканини билмайман, лекин иккинчи пенальтини қўймади. Мен иккала ҳолат ҳам пенальтига тортилишига ишонаман ва бу ўйиннинг ҳал қилувчи лаҳзаси эди. Шундан кейин ўйин хаосга айланди. Бу жуда катта лаҳза эди ва мен қандай қилиб битта пенальти қўйиб, иккинчисини қўймаслик мумкинлигини тушунмайман — бу ақл бовар қилмас ҳолат.  

Агар биттасини қўйган бўлса, иккинчисини ҳам қўйиши керак эди. Агар биринчисини қоида бузиш деб ҳисобласа, иккинчиси ҳам шундай бўлиши керак. Мен бу пенальтини нега беришмаганлигини тушунмайман. Кейин ўтказиб юборилган гол ва ҳамма нарса хаосга айланди", — деди мураббий.

31 турдан сўнг "Манчестер Юнайтед" 55 очко тўплаб, 3-ўринни эгаллаб турибди.