Хименес: "Жамоага янги келган футболчи одатда қўшиқ айтиши керак, Модрич эса бошқача йўл тутди"

Бу ҳақда италиялик жамоа ҳужумчиси Сантьяго Хименес TikTok эфирида гапириб ўтди:

"Биз кийиниш хонасига кирдик ва ҳар бир ўйинчининг ўрнида янги iPhone ётарди. Уларни бизга Модрич совға қилди — у ҳар биримизга янги телефон сотиб олган экан.

Жамоага янги келган футболчи одатда барчанинг олдида қўшиқ айтиши керак. Лука эса бошқача йўл тутди – у қўшиқ айтмасдан, барчамизга телефон совға қилди", – деди Хименес.