МЮ Марокаш устидан ФИФАга шикоят қилди

"Манчестер Юнайтед" Марокаш Нуссаир Мазрауига АПЛ доирасида "Борнмут"га қарши ўйинда (4:4) Африка Кубогида иштирок этиш учун клубда ўйнашга рухсат бермаганидан кейин ФИФАга шикоят қилди.

Африка Кубоги олдидан ФИФА турнирда иштирок этадиган барча футболчиларни биринчи ўйиндан камида етти кун олдин клублари томонидан қўйиб юборишни тавсия қилди.

Марокаш турнирга мезбонлик қилади ва терма жамоа "Юнайтед"нинг "Борнмут"га қарши ўйинидан олти кун ўтиб, 21 декабрь куни Комор оролларига қарши биринчи ўйинни ўтказади. Икки ўйин ўртасидаги вақтнинг нисбатан қисқалигини ҳисобга олган ҳолда, Марокаш футбол ассоциацияси Мазрауига "Олд Траффорд"даги ўйинда иштирок этишни тақиқлашга қарор қилди.

ESPN хабарига кўра, "Юнайтед" Марокаш уларнинг дастлабки сўровини рад этишидан олдин футболчини жалб қилишни режалаштирган. Натижада клуб бу масалани Халқаро футбол федерациясига топширди. Бироқ, ФИФА Марокашнинг позициясини қўллаб-қувватлади.

Ҳисоботда айтилишича, "Юнайтед" раҳбарияти Премьер-лига ўйини душанба кунига кўчирилгани ва бу қарор уларнинг назоратидан ташқарида бўлгани сабабли "адолатсиз жазоланган" деб ҳисобламоқда.

Якунда 28 ёшли ҳимоячи якшанба оқшомида терма жамоага йўл олди.