Владимир Андреев: "Ўзимиз яратган кам сонли вазиятлардан фойдалана олмадик"
20 nov 2020 21:53
News

Владимир Андреев: "Ўзимиз яратган кам сонли вазиятлардан фойдалана олмадик"

Суперлига 23-турдан ўрин олган "Навбаҳор"-"Сурхон" (1:0) учрашувидан сўнг меҳмонлар мураббий Владимир Андреев фикрларини билдириб ўтди.

"Ўйин об-ҳавога яраша ўтди."Навбаҳор" майдони яхши ҳолатда экан. Ҳаво совуқ бўлди. Рақиб комбинацион ўйин кўрсатди, вазиятлар яратди. Дарвозабонимиз пенальтини қайтарди, бунинг учун унга катта раҳмат айтиб қоламан. Биз ўзимиз яратган кам сонли вазиятлардан фойдалана олмадик. Майдон ҳолати яхши ва сифатли эди.

Биз учун ҳар бир баҳс охиргиси. Очколар керак. Ҳар бир очко қадрли. Вазифа – бу ҳолатдан чиқиб кетиш.

Кубокдан аввал чемпионат турибди. Кубокдаги иштирокимизни сафарда "Қўқон-1912"га қарши ўйин билан бошлаймиз. Унгача эса вақт бор.

Бубаня ҳақидаги саволга мен жавоб бера олмайман. Буни раҳбарият ҳал қилади ва ечим топади.

Айни пайтда мен бош мураббий вазифасини бажарувчиман. Равшан Ҳайдаров маълум вақт даволанди, терма жамоа билан йиғин ўтказди.

"Нефтчи"га ўтишим ҳақидаги гаплар фақат миш-миш. Мен бу борада ўйлаб ҳам кўрмаганман. Қуруқ гаплар ҳар доим бўлган", – дейди Владимир Андреев.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1