Latest news

15:37Бруну 5-марта ва 2020 йилдан бери илк бор АПЛда ойнинг энг яхши футболчиси бўлди  0 15:16Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"  3 14:55Нойер қайтди!  0 14:29Давид Алаба рақобат туфайли "Реал"ни тарк этиши мумкин  4 14:02Флик Эрик Гарсияни "Барселона"да қолишга кўндирган  0 13:34Компани кейинги мавсумда Мюллерни "Бавария" таркибида кўрмаяпти  4 13:03Суперлига = "Автобуслар лигаси"  5 12:37Суперлига. 4-тур дисквалификациялари: "Навбаҳор" ва "Андижон" 1 нафардан йўқотишга эга  0 12:23Айбек Нурбаев: "Ўз хатоларимиз эвазига голлар ўтказиб юбордик"  1 12:11Неъматилло Қуттибоев: "Йирик ҳисобда ғалаба қозонган бўлсак ҳам камчиликларимиз йўқ эмас"  0 11:50Афсонавий Кафу Қозоғистонга келди  3 11:20ФИФА президенти Клублар ўртасидаги ЖЧнинг 32-жамоаси қачон аниқ бўлишини маълум қилди  4 10:47«Рома» афсонаси АПЛ жамоасини бошқариши мумкин  0 10:15«Астон Вилла» «Реал» футболчисига жиддий қизиқмоқда  0 09:40УEФА президенти ЖЧ иштирокчилар сонини 64 та оширишга қарши  9

Вадим Абрамов: "Бу аҳволда биринчи даврадан кейин бу майдон жуда оғир аҳволга тушади, Самарқандда бошқа талабга жавоб берадиган стадион йўқ" News

Вадим Абрамов: "Бу аҳволда биринчи даврадан кейин бу майдон жуда оғир аҳволга тушади, Самарқандда бошқа талабга жавоб берадиган стадион йўқ"

Динамо» - «Машъал» (1:0) учрашувидан кейин мезбонлар бош мураббийи Вадим Абрамов матбуот анжуманида қатнашиб, журналистлар саволларига жавоб қайтарди.

- Авваламбор, очилиш ўйинидаги муҳим ғалаба билан табриклаймиз. Учрашув ҳақида фикрларингиз? 

- Мавсумнинг очилиш ўйинида ҳар доим қандайдир асабийлашиш бўлади, айниқса уйда мухлислар қаршисида ўйнаганингда. Ўйинни ёмон бошламадик, аммо кейин қандайдир пасайиш кузатилди. Ниҳоят бўлим якунида гол урдик. Иккинчи бўлим бошида яратилган голли имкониятлардан фойдаланганимизда бундай валидолли ўйин бўлмасди. Ҳа, уларга айтарли вазият яратишга бермадик, аммо 1:0 – доим асабий натижа. Ўйин якунида йигитлар тўпни назорат қилиб, натижани қўлдан чиқармасликка интилишди.

- Вадим Карленович, таништирув маросимида сиз “5 турдан кейин Кожони унутасизлар” деган эдингиз, аммо бугунги ўйиндан кейин савол яна кўпайди – янги ҳужумчи Фрайдей мана иккинчи ўйиндирки ўзини яхши ҳис қилмаяпти, у билан нима бўлмоқда? 

- Шунчаки, у ҳали тайёр эмаслиги кўриниб қолмоқда. Уни тартибга келтиришимиз керак, ишонаманки у ҳали қўшади. Ҳозир тайёр бўлмаган ҳолатида ҳам 2-3та голли вазиятга эга бўлди. У савияли ўйинчи, аммо катта эҳтимол билан у ҳали жисмонан тайёр эмасдек. Фрайдей мавсум бошланишига бир ҳафта қолганида сафимизга қўшилди, энди ФИФА кунлари пайтида бизда вақт бўлади, танаффусда уни яхшироқ ҳолатга келтира оламиз.

- Бугун голга сабаб бўлган Анваржон Ҳожимирзаев – Миржаҳон Мираҳмадов жуфтлиги ҳақида фикрингиз қандай? 

-  Ҳужумчиларимиз бир-бирини яхши тўлдиришди, бу тандем ҳали яна голлар уришига ишонаман.

- Захирадан майдонга тушган Фирдавс Абдураҳмонов ёш бўлса-да, тайёр эмасдек, ўйинга яхши қўшила олмади, шундай эмасми? 

- У катта умид бераётган футболчи. Ёш ўйинчи, табиийки бундай пайтда бироз босимда бўлади, гол уриши ҳам мумкин эди. Ишонинг, Фирдавс – Самарқанд футболининг келажаги. У ҳали ўсади.

- "Динамо" жамоаси ўз стадионида ҳар сафар ҳам бемалол машғулот қила олмаслигини биламиз, ўринбосарлар учун ҳам майдон йўқ. Нега ушбу масалага ҳамон узил-кесил нуқта қўйилмаяпти? 

- Афсуски, биз ҳозир ўйнаётган майдонимизда ҳар куни машғулот ҳам ўтказсак, бу майдон шунчаки кўтара олмайди. Қолаверса, бу майдонда "Қизилқум" жамоаси ҳам ўйнаяпти. Бу аҳволда биринчи даврадан кейин бу майдон жуда оғир аҳволга тушади. Шу боис биз имконқадар майдонимизни эҳтиёт қилаяпмиз ва бу ерда доим ҳам машғулот ўтказмаймиз. Самарқандда эса бошқа талабга жавоб берадиган майдон ҳали йўқ. Шу боис 3-тур олдидан Тошкентга бориб машғулотларни ўша ерда ўтказишга тўғри келади, - деди Вадим Карленович матбуот анжуманида.  

Rating: +1   

Comments

+1   
16 mar 11:06:05
Рома
Стадион бор лекин ташландик каровсиз ахволга туширилган.Умидимиз янги вилоят хокимидан.Илтимос бизни севимли жамоамизни ташлап куйман.Футбол ахир мухлислар учун миллатимиз учун.Шуни унутмасалар булди
+1   
16 mar 10:22:06
leva8989
Shunday ko'xna shaxarda bitta ixcham zahira maydoni bo'lmasa,bu viloyat rahbarining sportga befarq ekanligini anglatadi,PFL "ponyatka" berib qo'yishi kerak
   
16 mar 13:22:07
Бектошев
Шахарда бошқа чиройли стадион бор лекин у хозир жуда аячли ахволда
   
16 mar 12:43:14
W. W. W Uz
Самарканддек тарихий ва Узбекистоннинг иккинчи пойтахти хисобланган шахар учун ярашмайдиган майдон. Мутасаддилар ташаббус килиб янги замонавий стадион куриши керак.
   
16 mar 11:41:50
Y@Go_6060
Самаркандда катта Олимпиа 15000 мингли стадион бор, афсус ачинарли ахволда хозир
championat.asia
< show latest news
Яндекс.Метрика