Апелляция иш берди: ПСЖ футболчисининг жазоси енгиллашди
23 dec 2025 19:30
News

Апелляция иш берди: ПСЖ футболчисининг жазоси енгиллашди

3 декабрь куни УЕФА интизом қўмитаси ПСЖ ҳимоячиси Лукас Эрнандесни Чемпионлар Лигасида "Тоттенхэм"га қарши ўйинда рақибга тирсак билан зарба бергани учун 3 ўйинга дисквалификация қилганди.

Парижликлар бу қарорга рози бўлмади ва шикоят киритди.

Апелляция натижаси ПСЖга маъқул бўлди: УЕФА Апелляция қўмитаси амалдаги Чемпионлар Лигаси ғолибининг далилларини инобатга олиб, Эрнандеснинг дисквалификациясини биттага қисқартириб, 2 та ўйин этиб белгилади.

Франциялик ҳимоячи шу ўйинлардан бирини "Атлетик" Бильбаога қарши баҳсда аллақачон ўтаб бўлди, энди у фақат "Спортинг"га қарши сафардаги баҳсни трибуналардан томоша қилади. Асосий босқичнинг сўнгги ўйини — "Ньюкасл"га қарши баҳсда эса Эрнандес Луис Энрикенинг танлови учун яна тайёр бўлади.

Link :

Source : MSN

Receive latest football news directly on your phone. Subscribe for our Telegram channel!

Rating: +1