Уэйн Руни: "Мураббий учун энг муҳими бу вақт. Ўзгаришлар учун менга етарли имкон беришмади"

"Мен "Бирмингем Сити"да фаолият олиб бориш имконияти ва клубда қисқа бўлган иш давримда қўллаб-қувватлашгани учун Том Вагнер, Том Брэди ва Гарри Кукка раҳмат айтмоқчиман.

Футбол – натижалар устига қурилган бизнес. Тан оламан, натижалар мен истаганчалик бўлмади. Бироқ мураббий учун энг муҳими бу вақт ва 13 ҳафта бизга керак бўлган ўзгаришлар учун етарли муддат, деб ўйламайман.

Шаҳсий "фронтда" бу омадсизликни енгишим учун маълум вақт талаб қилинади.

Мен профессионал футбол билан футболчи ёки мураббий сифатида 16 йилдан буён шуғулланиб келяпман. Энди оилам билан бўламан ва мураббий сифатида ишимни давом эттириш учун кейинги қулай имкониятни кутаман.

Сўзим охирида "Бирмингем Сити" ва клуб раҳбарларига режаларни амалга оширишда омад тилаб қоламан", – деди 38 ёшли инглиз.

Руни октябрь ойида Бирмингем клубига тайинланганди. Жамоа унинг қўл остида Чемпионшипда 6-ўриндан 20-поғонага тушди.