Тасаввур қилинг: "Барселона" Франция чемпионатида...

Бир неча кун олдин Франция вазири Мануэль Вальс жуда қизиқ гап айтди: "Барселона" Лига 1да? "Монако" ҳам француз лигасида ўйнаяптику, шу сабаб ...". Тўғри-да, футболда ҳамма нарса бўлиши мумкин.

Келинг тасаввур қилиб кўрамиз, "Барселона" Франция чемпионатида...

Лига 1да чемпионлик учун кураш шиддатли бўлади

Монополялашиб бораётган француз чемпионати мухлисини йўқотиб бормоқда. Лига 1 чемпиони ким бўлишини кўпчилик аввалдан билади. На "Лион", на "Монако" ва на "Марсель" бу ҳақида хатто ўйлай олмайди ҳам. Етакчилар сафида бораётган "Анже" ва "Кан"ни даъвогар сифатида санаш абсурд бўлар эди.

ПСЖ рақобатдан ташқарида. Уларнинг асосий рақиби - ўзларидир. Лоран Блан шогирдлари Чемпионлар лигаси ўйинларига мослашиб бормоқда, аммо мамлакат чемпионатида эса ярим куч ишлатиляпти. Қатар тўлаяпти, шу сабабли мусиқани Қатар буютиради. Лига 1да ҳозирча ҳеч ким Қатарнинг таклифидан устунроқ шартнома таклиф қила олмайди.

"Барселона" айнан шундай жамоа ва улар ПСЖ ҳаёлларини йўққа чиқариши мумкин. Қатарликлар бир неча йилдан бери "Барселона"ни маблағ билан таъминламоқда. Демак, ПСЖга ҳақиқий рақиб топилади.

Янги французча "классико"

Келинг очиқчасига айтай, "Марсель"нинг ҳозирги ҳолати парижликлар билан курашиш учун талабга жавоб бермайди ва "Марсель" - ПСЖ учрашувининг аҳамияти катта эмас. Ундан кўра, мухлислар "Марсель" - "Лион" ўйинини томоша қилишни афзал кўришади. Чунки бу баҳсда нимадур ҳал бўлиши мумкин.

Етар, бас! "Барселона"нинг Франция чемпионатида иштирок этиши янги супербаҳсни юзага келтиради. Энди соврин тақдири фақатгина "Парк де Пренс"да эмас, балки "Камп Ноу"да ҳам ҳал бўлади. Катта стадион, ажойиб тарихга эга клуб Лига 1 дунёсига кўп нарса бериши мумкин. "Барса" - ПСЖ ўйини янги "классико" бўлиш эҳтимоли жуда катта. Бундай учрашувлар Чемпионлар лигасидагина бўлиб қолмай, лига доирасида ҳам ўтказилади.

Жаҳоннинг энг яхши футболчилари Лига 1да

Франция чемпионатидаги юқори даражали футболчиларнинг сони анча ортади. Златан Ибрагимович телекамералар ва фотоаппаратлар обьективининг ягона нишони бўлишдан тўхтайди ва Неймар, Лионель Месси, Луис Суарес, Андрес Иньеста ва бошқа юлдузлар ҳам франуз ОАВда тинимсиз муҳокама қилинади. 

Франция футболига бўлган қизиқиш ортади ва телеҳуқуқлардан келаётган фойда сезиларли даражада кўпаяди. "Марсель" президенти Венсан Лябрюн эса инглиз Премьер-лигаси жуда кўп пул топаётгани ва улардан француз клубларига ҳеч нарса қолмаётгани ҳақида гапиришдан тўхтайди.

"Лорьян" Харри Кейнни харид қила олади, "Канн" Анди Ледор учун харидор қидирмайди, "Лион" эса янги стадион қурилиши учун қарзлардан жуда тез қутилади ва ҳақиқий юлдузларни сотиб олишга имкони бўлади.

Лига 1ни зерикарли дейишмайди

Аслида чемпионат зерикарли эмас, лекин чемпионатга "Барселона" қўшилса ҳам уни шундай атайдиганлар топилади. Менимча, улар ҳасад қилишади. "Барселона" бир соат ичида ҳар қандай чемпионатни машҳур қила олади.

Бунинг барчасини яна бир таҳлил қилиб, орзуларни кўпайтириб юборганимни сездим. Лига 1 машҳур бўлиб кетиши мумкин, аммо ҳақиқий ҳаётга қайтиш керак. 

Агар "Барселона" Франция чемпионатига ўтсачи? Буни кузатиш жуда қизиқ бўлади.