"Погба, Санчо ва бошқа бир нечта футболчи МЮ машғулотларига доим кечикиб келарди" — Матич

"Челси"да футболчилар ўзларини профессионал тарзда тутишарди, машғулотларга ҳеч қачон кечикишмасди, аммо "Манчестер Юнайтед"да бу деярли ҳар куни содир бўлди. Ҳар доим кечикадиган ўйинчилар орасида Поль Погба, Жейдон Санчо ва бошқа бир нечта ўйинчилар бор эди.

Қолганлар ҳар доим ўз вақтида келарди ва жаҳл отига минарди. Биз ички тартиб-интизом қўмитасини тузишга қарор қилдик, мен унинг президенти бўлдим.

Деворга бир варақ осиб қўйиб, унга кеч қолганларнинг исмларини ёзиб чиқардим. Бир мавсумда биз жарима сифатида 75 000 фунт стерлинг йиғдик. Пулни Лондонда зиёфатга сарфлашни режалаштирган эдик, аммо COVID эпидемияси туфайли бу амалга ошмади", – деди Матич.