ПФЛ "Динамо" футбол клубига Абрамов борасида муҳлат берди
21 sep 2022 11:00
News

ПФЛ "Динамо" футбол клубига Абрамов борасида муҳлат берди

Coca-Cola Суперлига иштирокчиси бўлган “Динамо” футбол клубига 20-турга қадар бош мураббий Вадим Абрамовнинг янгиланган лицензиясини тақдим этиш учун вақт берилди.

Вадим Абрамов ҳамда “Динамо” футбол клуби ўртасида тузилган меҳнат шартномаси жамоа ҳолатидан келиб чиқиб, вақтинча рўйхатдан ўтказилганди. Ўтган вақт давомида ЎФА Футбол мутахассисларини тайёрлаш маркази ЎзПФЛ сўровига асослантирилган жавоб қайтармади. Шунингдек, клубнинг ҳам мутахассис лицензиясини тақдим этиш масаласини ортга сурди. Маълумки, “Динамо” футбол клуби мазкур талабни бажармаса ОФК лицензиясини ҳам қўлга кирита олмайди.

ФИФА кунлари якунига қадар “Динамо” футбол клуби мазкур ҳолатни тартибга солмаса, Вадим Абрамов 20-турдан бошлаб учрашувлар давомида техник зонага киритилмайди.

Link :

Source : pfl.uz

Receive latest football news directly on your phone. Subscribe for our Telegram channel!

Rating: +9