ОЧЛ. "Ал Ҳилол" футболчиларида COVID-19 аниқлангани "Пахтакор" билан ўйинга таъсир қиладими?
12 sep 2020 21:40
News

ОЧЛ. "Ал Ҳилол" футболчиларида COVID-19 аниқлангани "Пахтакор" билан ўйинга таъсир қиладими?

Бироз аввал марказлашган ОЧЛ ўйинлари олдидан С.Арабистонининг "Ал Ҳилол" ва Қатарнинг "Ал Дуҳайл" жамоалари ўйинчиларида коронавирус аниқлангани ҳақида хабар берган эдик.

ОЧЛ. "Пахтакор"га қарши ўйин олдидан "Ал Ҳилол"нинг 5 футболчисида коронавирус аниқланди

Кўпчиликда бу нарса "Пахтакор" билан ўйинга таъсир қиладими ёки йўқ деган табиий савол туғилмоқда. Хўш, марказлашган ўйинлар учун ишлаб чиқилган регламентда бу борада нима дейилган? Ҳар бир клуб 30 нафардан ўйинчини "заявка" қилган ва Қатарга айнан шунча футболчи билан келган. Регламентга кўра, "Ал Ҳилол"нинг ўша беш нафар футболчиси карантинга олинган ва шифокорлар назоратида. Жамоа эса тақвимдаги ўйинларини қолган ўйинчилар билан ўтказаверади. Демак, "Ал Ҳилол" ҳамда "Пахтакор" ўртасида 14 ва 17 сентябрга белгиланган ўйинлар албатта ўтказилади.

Саудия Арабистони ва Қатар клубларидан айнан кимларнинг тест жавоби ижобий чиққани кейинроқ ташкилотчилар томонидан ошкор қилинади.