Мутахассис фикри: "Қўқон, Наманган ва Тошкентда мезбонлар устун келади, "Нефтчи" Қаршидан очко билан қайтади"

Бугундан Суперлиганинг 3-тур ўйинларига старт берилади. Мазкур турдан бир нечта қизиқарли кечиши кутилаётган учрашувлар ўрин олган. Тажрибали мутахассис Абдумажит Тоиров олдиндаги баҳслар олдидан фикрлари ва тахминлари билан ўртоқлашди. 

"Мавсум стартидаги ўйинлар, натижалардан сўнг бирор бир ўйинга алоҳида тўхталиш қийин. Қисқа қилиб айтганда, "Қўқон-1912", "Навбаҳор" ва "Пахтакор" уйдаги ўйинларда ғалаба қозонишади. Қолган учрашувларда меҳмонларнинг устунлигини тахмин қилишим мумкин. Масалан, "Бухоро" ўйин мазмуни бўйича иккита турда рақибидан яхшироқ кўринди. Қўқон охирги ўйинда жуда яхши ҳаракат қилди, "Шўртан"нинг биринчи турдаги баҳсини кузатдим. ОКМК таркиб, ўйин томонлама ҳам бугунги кунда навоийликлардан устун. "Навбаҳор" ўз мухлисларини хурсанд қилади деб ўйлайман. "Бунёдкор" - "Сурхон" беллашувида дуранг ва Термиз жамоаси устун келиши эҳтимоли бор. "Насаф" - "Нефтчи" учрашувида дуранг ёки фарғоналиклар ғалабасини тахмин қиламан. "Машъал" - "Сўғдиёна"да меҳмонлар кучлироқ. Тошкентда "Пахтакор" "Динамо"дан кучлироқ келса керак",- дейди Абдумажит Тоиров.