"Милан" Австралияда ўйин ўтказмайди. Сабаби ошкор бўлди
23 dec 2025 13:57
News

"Милан" Австралияда ўйин ўтказмайди. Сабаби ошкор бўлди

"Вильярреал" – "Барселона" ўйини атрофидаги можарога қарамай, Италияда А Серия доирасидаги "Милан" – "Комо" учрашувини Австралияда ўтказиш қатъий режалаштирилганди.

Ҳатто амалдорлар томонидан омма олдида ишонч билдирилган, барча нарса яхши кетгандек туюларди. Аммо охирги паллада режа барбод бўлди.

Инсайдер Николо Скиранинг хабар беришича, 6 февраль куни бўлиши керак бўлган ўйин Перт шаҳрида ўтказилмайди. Бунинг сабаби — Осиё футбол конфедерацияси томонидан қўйилган молиявий талаблар бўлиб, уларни бажариш Ғарбий Австралия ҳукумати ҳамда А Серия учун оғирлик қилар, молиявий хавф-хатарларга олиб келар эди.

Энди А Серия ўйинни хорижда ўтказиш учун янги жой қидирадими ёки охир-оқибат у Италияда бўлиб ўтадими — ҳозирча номаълум. Бироқ "Сан-Сиро" стадионида ўтказишнинг имкони йўқ, чунки 6 февраль куни "Милан" уй стадиони Қишки Олимпия Ўйинларининг очилиш маросими сабаб банд бўлади.

Link :

Source : x.com/NicoSchira

Receive latest football news directly on your phone. Subscribe for our Telegram channel!

Rating: +3