Мудрик бўлмаса, Судаков. "Арсенал" "Шахтёр" ярим ҳимоячисига қизиқиш билдирмоқда

"Арсенал" "Шахтёр" ярим ҳимоячиси Георгий Судаковга қизиқмоқда, деб хабар берди "Football London".

Манбага кўра, "Шахтёр" ва "Арсенал" ўртасидаги муносабатлар кескинлашганига қарамай, "канонирлар" ҳамон Георгий Судаков тимсолида таркибини кучайтириш ниятида. Қайд этилишича, 21 ёшли украиналик футболчини нафақат "Арсенал", балки "Челси", "Манчестер Юнайтед", "Манчестер Сити" ва "Нюкасл" клублари ҳам кузатиб боришмоқда.

Эслатиб ўтамиз, Судаков жорий мавсум "Шахтёр" сафида 24 та ўйин ўтказиб, 5 та гол урди ва 2 та голли узатмани амалга оширди. Transfermarkt интернет порталига кўра, футболчининг тахминий нархи 25 миллион еврони ташкил қилади.