Мирко Йеличич: "Ҳозирча даражамиз "Нефтчи" билан бир хил эмас ва буни тўғри тушуниш керак"
20 mar 19:25
News
Мирко Йеличич: "Ҳозирча даражамиз "Нефтчи" билан бир хил эмас ва буни тўғри тушуниш керак"
- Ўйин ҳақида фикрингиз...
- Аввало, барчани Рамазон ҳайити байрами билан табриклайман. Шундай яхши кунда футбол ўйнадик ва ўйин мухлисларга ёқди деб ўйлайман. Биз ўз мухлисларимизга чиройли натижани совға қилмоқчи эдик, аммо ўхшамади. Иккала жамоа ҳам бугун футбол ўйнади. Баъзан шунақа хатолар учраб туради, ўзимизнинг хатолар туфайли мағлуб бўлдик.
"Нефтчи"нинг ўз майдонида тўп тепиши рақибга куч бағишлади. Ҳозирча "Нефтчи" билан даражамиз бир хил эмас ва буни тўғри тушуниш керак. "Нефтчи" йилдан йилга кучайяпти, ўтган мавсум чемпионликни қўлга киритди. Бундай жамоалар кўпайиши ўзбек футболи ривожига туртки беради. Биз ҳам шу даражага чиқишга ҳаракат қиламиз.
- Бугун захирадан тушган футболчилар ўйин тақдирини ҳал қилди. Бу ҳақда фикрингиз...
- Мунтазам ижобий натижа кўрсатиш учун биз ҳам захирамизни шу даражага олиб чиқишимиз керак. Бунинг учун ҳаракат қиляпмиз, чунки Суперлигада талаб шунақа. Ўзбекистон терма жамоасининг захираси кучли бўлгани учун ҳам жамоа кучли. "Нефтчи"дан бир нечта футболчи термага номзод, лекин биз ўйин олдидан бунга эътибор қаратмадик. Улар қайси таркибни туширади, қанақа футбол ўйнайди... Бизнинг ўз вазифамиз бор ва шунга қараб иш тутамиз. Ҳозирги ҳолатда захирамизнинг кучи шу. Биргаликда ишлаб тажриба орттириб борамиз.

Similar news
championat.asia
ЕЧЛ. "Ньюкасл" "Камп Ноу"да зор йиғлаган кеча ёхуд "Барселона" чорак финалда!
ЕЧЛ. "Реал Мадрид" бу мавсум ҳам "Манчестер Сити"ни мағлуб этиб, чорак финалга йўл олди
"Пахтакор" Суперкубок ҳакамлиги бўйича ОФКга мурожаат қилмоқчи
Суперлига. "Андижон" ўз майдонида бир киши кам "Машъал"дан устун келди
Comments