"Милан" ҳимоячиси МЮга ўтишни рад этди

"Милан" ҳимоячиси Тео Эрнандес "Манчестер Юнайтед"га ўтишга қизиқмаяпти. Бу ҳақда инсайдер Фабрицио Романо хабар берди.

Футболчининг режалари ўзгармади – у ҳали ҳам "россонери"да ўйнашни хоҳлайди. Шу билан бирга, МЮ футболчи учун "қизил-қоралар"га катта сумма тўлашга тайёр.

Франциялик футболчи 2019 йилдан буён "Милан" сафида тўп тепади. 25 ёшли фулбек ўтган мавсум барча мусобақаларда 45 та ўйинда қатнашиб, 4 та гол урди ва 5 та голли узатмага муаллифлик қилди.

Олдинроқ "Милан" ярим ҳимоячиси "Ньюкасл"га ўтишга рози бўлгани хабар қилинган эди.