Месси: "Нидерландия билан ўйинда ҳаммаси жуда тез содир бўлди"
31 jan 2023 12:59
News

Месси: "Нидерландия билан ўйинда ҳаммаси жуда тез содир бўлди"

Аргентина терма жамоаси ҳужумчиси Лионель Месси ЖЧ-2022 1/4 финалида Нидерландияга қарши ўтказилган шов-шувли ўйинни эслади.

Пенальтилар сериясида иккала жамоа ҳам бир-бирини провокация қилди, футболчилар деярли муштлашишига оз қолди.

Мессининг ўзи голни нидерландияликлар мураббийи Луи ван Гал олдида нишонлаган, учрашувдан сўнг эса рақиб футболчисини "аҳмоқ" деб атаганди.

"Мен буни олдиндан қилишни ўйламаган эдим, бу ўз-ўзидан содир бўлди. Ҳа, менга ван Галнинг ўйиндан олдинги фикрларини етказишди, жамоадошларим ҳам бу ҳақда гапириб беришди. Ўшанда бўлган ҳолатлар менга ёқмаган, лекин тушунинг, бу жуда асабий ва таранг лаҳзалар эди. Ҳаммаси жуда тез содир бўлди. Ҳар бир инсон ўзи хоҳлагандек муносабатда бўлади, лекин мутлақо ҳеч нарса олдиндан режалаштирилмаган. Менга бу воқеалар манзур келмади, лекин шундай бўлди".

Link :

Source : Marca

Receive latest football news directly on your phone. Subscribe for our Telegram channel!

Rating: +12