Мексикадаги тартибсизликларга қарамай, Исландияга қарши ўйин бекор қилинмайди
25 feb 19:50
News

Мексикадаги тартибсизликларга қарамай, Исландияга қарши ўйин бекор қилинмайди

Мексика терма жамоаси мамлакатда ҳукм сураётган нотинч вазият ва қуролли тўқнашувларга қарамай, Исландия билан ўртоқлик учрашувида майдонга тушишни режалаштирмоқда.

Тартибсизликлар сабаби:

Эслатиб ўтамиз, ўтган якшанба куни Мексика Қуролли кучлари томонидан ўтказилган махсус операция давомида "Халиско янги авлоди" (CJNG) наркокартели етакчиси Немесио Осегера (Эль Менчо) ўлдирилган эди. Шундан сўнг мамлакатнинг бир қатор штатларида картел жангарилари ва ҳарбийлар ўртасида кескин тўқнашувлар ва оммавий тартибсизликлар бошланиб кетди.

Ўйин режа бўйича ўтади:

"ESPN" нашрининг хабар беришича, душанба куни Мексика терма жамоаси хотиржам тарзда ўз машғулотларини ўтказган. Сантьяго-де-Керетаро шаҳрида Исландия терма жамоасига қарши кечадиган ўртоқлик баҳси режага мувофиқ 26 февраль куни Тошкент вақти билан соат 07:00 да бошланиши кутилмоқда.

Link :

Source : ESPN

Receive latest football news directly on your phone. Subscribe for our Telegram channel!

Rating: +1