"Манчестер Юнайтед" "Фейеноорд" ҳимоячиси трансферини "Лион"дан илиб кетмоқчи

"Манчестер Юнайтед" клуби "Фейеноорд" клуби ва Нидерландия термаси ҳимоячиси Тайрелл Маласиа учун расмий таклиф жўнатди. МЮ ҳимоя учун  15 млн евро тўлашга тайёр. Бундан ташқари бонуслар ҳам кўзда тутилган. Аввалроқ, "Фейеноорд" "Лион" билан ҳимоячининг трансфери борасида келишиб қўйгани хабар қилинганди. "Лион" футболчи учун 12 млн евро ва қўшимча 3 млн бонус бериш ниятида эди.

Маласиа жорий мавсум 46та ўйинда майдонга тушиб, 1та гол ва 5та ассист қайд этди.

Transfermarkt чап қанот ҳимоячини 11,5 млн еврога баҳоламоқда.