"Манчестер Сити" Сакага кўз тикди

20 ёшли Сака ушбу мавсумда "Арсенал"нинг энг яхши футболчиларидан бири бўлиб, Премьер-лигада 11 та гол урди ва 7 та голли пас узатди.

Daily Mail хабарига кўра, "Сити" Саканинг шартнома билан боғлиқ ҳолатини диққат билан кузатиб бормоқда ва Букайони келажакдаги трансфер мақсади сифатида кўрмоқда.

"Сити" бу ёзда Сака учун курашга киришиши даргумон, аммо Букайо "Арсенал" билан янги шартнома туза олмаса, "шаҳарликлар" кейинги трансфер ойналаридан бирида бундан унумли фойдаланиб қолишга уринади.

Сакага "Ливерпуль" ҳам даъвогар, аммо айни дам "қизиллар"нинг устувор вазифаси бошқа позицияларни мустаҳкамлаш.